بلد الشهداء \ من كلمات الشاعر \ جمال الشرقاوي \

بلد الشهداء
أسد الشعر العربي ( جمال الشرقاوي )
أغنية \ بلد الشهداء \
من كلمات الشاعر \ جمال الشرقاوي \

إهداء لروح الشهداء في جمهورية مصر العربية

بلد الشهداء يــ بلادي
يــ مصر يــ بلادي
مسلم و مسيحي يــ بلادي
فــ الأصل ولادي
كل الشهدا يــ أسيادي
فداكي يــ  مصر يــ بلادي

راح مِنـَّـا كتير و اتحمِّلنا
و ياما هنقدِّم فــ ولادنا
من أجل عيون مصر م نسأل
لو راحت مِنـِّـنـَـا أعمارنا
و الشهدا نجومنا و أزهارنا
فداكي يــ مصر يــ بلادي

بنقول للدنيا و م فيها
مصر طول م احنا م فيها
لا هتقدر يــ عدو تقرَّب
من بحرها و لا مبانيها
طول روح الشهدا م هي فيها

بلد الشهداء يــ بلادي
يــ مصر يــ بلادي

شهداءنا الأبرار فاكرينكم
لا هننسىَ حياتكو و أيامكم
شايفين مصر اهي بتنوَّر
بشمع دموعكم و دماكم
يــ للي انتو قدمتوا شبابكم

بلد الشهداء يــ بلادي
يــ مصر يــ بلادي
مسلم و مسيحي يــ بلادي
فــ الأصل ولادي
كل الشهدا يــ أسيادي
فداكي يــ مصر يــ بلادي

القاهرة \ أكتوبر \ الثلاثاء 24 \ 10 \ 2017 م الساعة 22 و 2 بعد الظهر \ جمال الشرقاوي \ كاتب و شاعر \